“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Shenjat fillestare paralajmëruese të diabetit
Mjeku: Diabeti është një sëmundje që prek një numër të madh njerëzish dhe shpesh simptomat e tij fillestare mund të ngatërrohen me ato të sëmundjeve të tjera. Megjithatë është shumë e rëndësishme të nhihni simptomat në fazat e hershme të sëmundjes sepse nëse diabeti nuk trajtohet në kohë mund të çojë në pasoja të rrezikshme për shëndetin. Kjo është arsyeja pse ne kemi përpiluar një listë të zakonshme të shenjave paralajmëruese të diabetit që ju ta vini nën kontroll atë.
Probleme me lëkurën: nëse keni lëkurë të thatë, lëkurë të errët në qafë apo duar etj mund t’ju tregojë që keni diabet. Reagimi i trupit ndaj insulinës dhe niveli i lartë i sheqerit në gjak mund të çojë në probleme me qarkullimin e gjakut dhe për pasojë në probleme me lëkurën.
Etje e tepërt: ndër simptomat e para të diabetit është etja e tepruar dhe urinimi i shpeshtë. Këto simptoma vijnë si shkak i sheqerit të tepërt në gjak dhe paaftësisë së veshkave për të absorbuar glukozën. Kjo gjendje çon në dehidratim dhe për pasojë ju shton ndjenjën e etjes.
Uri e tepërt: është gjithashtu e zakonshme të ndiheni të uritur si rezultat i diabetit sepse nivelet e sheqerit në gjak bien dhe ju keni nevojë të menjëhershme për glukozë për të rritur nivelin e energjisë.
Lodhje dhe dobësi: nëse ndiheni vazhdimisht të lodhur pa ndonjë arsye të veçantë mund të ju tregojë për një shenjë tjetër të diabetit. Nivelet e ulëta të glukozës mund të çojnë në ndjesi lodhje të vazhdueshme.
Humbje peshe: nëse vëreni luahtje peshe pa ndonjë arsye, mund të jenë një tregues i qartë i diabetit. Urinimi i shpeshtë, që e përmendëm si simptomë më parë, çon në humbjen e kalorive dhe për pasojë rënien në peshë.
Probleme me shikimin: sheqeri i lartë në gjak mund të shkaktojë thithjen e glukozës në lenten e syrit, e cila çon në ndryshimin e formës së saj duke rezultuar në probleme me shikimin. Nëse nuk e trajtoni në kohë këtë dëm që shkakton diabeti, komplikacionet mund të çojnë deri në verbëri.
Infeksionet e shpeshta: diabeti është një nga shkaqet tipike që çon në infeksione të shpeshta, sidomos tek femrat që shkakton infeksione vaginale.
Ndjesi shpimi gjilpërash në duar dhe këmbë: nivelet e larta të sheqerit në gjak mund të dëmtojnë nervat dhe prandaj ju japin ndjesi shpimi në gjymtyrë. Nëse vëreni ndjesi shpimi gjilpërash, mpirje në pjesët e sipërme apo të poshtme të gjymtyrëve mund t’ju tregojë për diabet.
Dhëmbë të ndjeshëm: sistemi imunitar vuan që në fazat e para të diabetit dhe e humbet aftësinë për të luftuar bakteret që mund të shkaktojnë infeksionet çamçakëz. Në rast se vuani nga diabeti do të vëreni ndjeshmëri dhe probleme me mishrat e dhëmbëve dhe dhëmbët.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A mund të jetë kjo një goditje në zemër?
“Urinoj tmerr shpesh! Ç’sëmundje kam?”
