Kryeministri Edi Rama duket se ka shkuar në Athinë për të takuar Princin e Kurorës së Arabisë Saudite Mohammed bin Salman bin Abdulaziz. Ky i fundit ndodhej në një vizitë zyrtare në vendin fqinj.
Që kryeministri Rama ka pasur një takim me Princin e Kurorës në Athinë e bën të ditur Ministria e Jashtme saudite në një postim në Twitter, ku edhe shpjegohet se çfarë u diskutua në takimin mes dy liderëve.
Me aq sa njofton pala saudite, në takim u diskutua për “marrëdhëniet miqësore dhe mjetet e bashkëpunimit mes dy vendeve në fusha të ndryshme. Po ashtu, bëhet e ditur se kreu i qeverisë Rama e ka falenderuar Mohammed bin Salman bin Abdulaziz për vendimin që Mbretëria e Arabisë Saudite ka marrë për të mbështetur Shqipërinë me një shumë prej 50 milionë dollarësh por edhe për Fondin Publik të investimeve që parashikon shanse investimi në vendin tonë deri në 200-300 milionë dollarë.
MINISTRIA E JASHTNE E ARABISË SAUDITE NË TWITTER
“Princi i Kurorës Saudite dhe Kryeministër i Shqipëria rishikuan marrëdhëniet dhe aspektet miqësore të bashkëpunimit dypalësh në fusha të ndryshme
Lartësia e Tij Mbretërore Princi Mohammed bin Salman bin Abdulaziz, Princi i Kurorës dhe Zëvendëskryeministri saudit, dhe Kryeministri i Shqipërisë Edi Rama ka zhvilluar një takim të zgjeruar në Athinë, Greqi, të mërkurën, ku të dy palët diskutuan marrëdhëniet miqësore dhe mjetet e bashkëpunimit në fusha të ndryshme dhe mënyrat për t’i mbështetur dhe zhvilluar ato, përveç rishikimit, zhvillimet dhe përpjekjet rajonale dhe ndërkombëtare të bëra në respekt të tyre. Në takim u diskutuan edhe mënyrat për konsolidimin e ekonomisë, partneriteti mes dy vendeve dhe rritja e bashkëpunimit mes dy palëve në fushën politike, duke rritur investimet dhe koordinimin dypalësh rajonal dhe ndërkombëtar çështje me interes të përbashkët.
Kryeministri shqiptar shprehu vlerësimin e tij të sinqertë për vendimin e Mbretërisë së Arabisë Saudite për të mbështetur vendin e tij me një shumë prej 50 milionë dollarësh, dhe për Fondin Publik të Investimeve për të eksploruar shanset e investimit në Shqipëria me vlerë 200-300 milionë dollarë.”
Kujtojmë se dy ditë më parë, Princi i Kurorës së Arabisë Saudite ndodhej në Greqi ku u takua me kryeministri grek Kyriakos Mitsotakis në Megaro Maximos. Trashëgimtari i fronit të Arabisë Saudite shoqërohej nga një delegacion i madh qeveritar si dhe një delegacion biznesi prej 30 anëtarësh.
Kjo është vizita e parë e Mohammed bin Salman në tokën evropiane që nga prilli 2018.
