Manchester United e ka nisur keq kampionatin, teksa është mundur që në start, madje në shtëpi. Ishte Brighton që fitoi 1-2 në “Old Trafford”, me Cristiano Ronaldon që luajti 40 minuta, por pa arritur të lërë gjurmë.
Heroi i ndeshjes për miqtë ka qenë Gross, autori i dy golave të shënuar në minutën e 30 dhe 39- të. Reagimi i vendasve ka qenë i dobët dhe jo i plotë. Rezultati është ngushtuar në 2-1 në minutën e 68-të pas një autogoli të Mac Allister.
Pavarësisht kohës së mjaftueshme që kanë patur në dispozicion, United nuk ka arritur të gjejë golin e barazimit dhe të shmangë humbjen. Cristiano Ronaldo e ka nisur ndeshjen nga stoli dhe është aktivizuar nga trajneri holandez në minutën e 53-të, por as kampioni portugez nuk ka arritur të bëjë dot asgjë.
Një paraqitje zhgënjyese për Djajtë e Kuq jo vetëm për shkak të rezultatit, por edhe për shkak të një loje që nuk ka qenë aspak e mirë duke shkaktuar shumë pakënaqësi mes tifozëve, të cilët nuk i kanë kursyer vërshëllimat për ekipin e tyre.
VAZHDO TË LEXOSH MË TEPËR PËR TEMËN
Dje luajti kundër Everton, Lampard e do Brojën në ekip
