Paralajmëron Meta: Në shtator çojmë në Kuvend ligjin për indeksimin e pagave

Kryetari i Partisë së Lirisë, Ilir Meta, ka deklaruar se me nisjen e sesionit të ri parlamentar, partia që ai drejton do të çojë në Kuvend ligjin për indeksimin e pagave.

Sipas tij prej vitit 2017-të nuk ka patur indeksim të pagave edhe pse inflacioni është rritur.

Ai paralajmëron se në rast se nuk do të miratohet në Kuvend do ta çojë ligjin në Gjykatën Kushtetuese.

“Partia e Lirisë, në fillim të sesionit të ri parlamentar, angazhohet të ndërmarrë nismën për të garantuar me ligj indeksimin e menjëhershëm të pagave”, shkruan Meta.