Paris Saint-German e ka nisur sezonin e ri në mënyrë fantastike, ku në dy ndeshje, kampionët e Francës kanë siguruar gjashtë pikë dhe kanë shënuar 10 gola, ndërsa kanë pësuar vetëm dy.
Deri më tani reparti i sulmit ka funksionuar shumë mirë, ku dyshja Neymar – Messi ka shkëlqyer. Gjithashtu edhe Mbappe e gjeti rrugën e rrjetës në ndeshjen përballë Montpellier, por francezi shpërdoroi edhe një penallti në minutën e 23-të.
Ajo që shqetëson në lidhje me francezin është sjellja e tij në fushën e lojës, ku mbrëmjen e të shtunës u pa i pakënaqur. Në pjesën e dytë, Mbappe kërkoi topin nga shokët e skuadrës, në një aksion ku protagonist ishte blerja e re, portugezi Vitinha.
Esta fue la “malcriadez” de Kylian Mbappé hoy ante Montpellier… Y apenas es el segundo partido del PSG en la Ligue 1. Pinta mal. pic.twitter.com/5YHa7DqMme
— Miguel Rapetti (@MiguelRapetti) August 13, 2022
Mesfushori nuk zgjodhi ta pasojë te sulmuesi francez në krahun e majtë, por vazhdoi aksionin dhe e pasoi topin te Lionel Messi. Reagimi i Mbappe ishte i pabesueshëm, ku ai u ndal në mes të aksionit, tundi duart me pakënaqësi dhe hoqi dorë nga sulmi i mëtejshëm.
Ndërkohë, në rrjetet sociale, është shfaqur një ‘like’ i sulmuesit brazilian për një koment të rëndë të një tifozi, i cili ka akuzuar Mbappe se “e ka me kontratë të gjuajë penalltitë” dhe se “është bërë pronari i PSG-së pas rinovimit”.
O’Ney i ka dhënë një ‘zemër” këtij komenti dhe gjesti duket se ka shkaktuar shumë bujë në Francë, ku është mbuluar nga të gjitha mediat franceze.
VAZHDO TË LEXOSH MË TEPËR PËR TEMËN
Ronaldo vetofrohet për dy klubet në Serie A
