Stefanos Tsitsipas ka siguruar një biletë për në finalen e turneut të Cincinnati që zhvillohet në Shtetet e Bashkuara të Amerikës. Tenisti grek mposhti në gjysmëfinale numrin një të botës, rusin Daniil Medvedev, teksa triumfoi në tre sete me rezultatin 2-1.
Seti i pari ishte edhe ai që dhuroi më së shumti rivalitet duke qenë se Tsitsipas triumfoi vetëm në tie-break, 6-7 ndërsa në setin e dytë, Medvedev reagoi dhe barazoi ndeshjen falë rezultatit 6-3.
Mirëpo, me të njëjtat shifra iu kundërpërgjigj edhe numri shtatë i botës i cili siguroi finalen pas dy orë e 25 minuta lojë. Në finalen e së dielës, Tsitsipas do të përballet me kroatin Borna Coric, numri 152 në botë.
TSITSINNATI 🔥🔥@steftsitsipas defeats the World No. 1, Daniil Medvedev, 7-6, 3-6, 6-3 to secure his place in the final 💪@CincyTennis | #CincyTennis pic.twitter.com/ngfRzZQgqT
— ATP Tour (@atptour) August 21, 2022
Megjithatë, 25-vjeçari ka treguar në këtë turne se di të fitojë edhe ndaj favoritëve, pasi gjatë rrugëtimit të tij në Cincinnati ka eliminuar emra si Nadal, Auger-Aliassi apo edhe Cameron Norrie.
