Presidenca e Kosovës ka reaguar pas deklaratës së djeshme të Aleksandër Vuçiç.
Blerim Vela, shef i stafit në kabinetin e presidentes së Kosovës, ka thënë se institucionet e Serbisë, javët e fundit kanë bërë presion ndaj qytetarëve të Kosovës në pikat kufitare.
Sipas Velës, një numër i madh i qytetarëve, përshirë edhe serbët e Kosovës, janë intervistuar e arrestuar në pikat kufitare Kosovë-Serbi.
“Javët e fundit, institucionet e Serbisë (përfshirë shërbimin e saj të inteligjencës) në mënyrë sistematike kanë bërë presion ndaj qytetarëve të Kosovës në pikat kufitare me Kosovën. Një numër në rritje i qytetarëve kosovarë, përfshirë serbët e Kosovës që punojnë për institucionet kosovare, janë arrestuar dhe intervistuar për disa orë në pikat kufitare Kosovë-Serbi”, ka shkruar Vela në Twitter.
🚨In recent weeks, #Serbia’s institutions (including its intelligence service) have been systematically pressuring #Kosovo citizens at the border crossings with 🇽🇰:
📍An increasing number of 🇽🇰 citizens, including Kosovo Serbs working for 🇽🇰 institutions have been detained
1/3
— Blerim Vela (@Blerim_Vela) August 21, 2022
Vela tha se bazuar në informacionet paraprake, qëllimi i veprimeve të tilla nga institucionet e Serbisë është frikësimi dhe sigurimi i informacioneve për persona të rëndësishëm në jetën publike të Kosovës dhe institucionet e sigurisë.
Ai tha se presidenti i Serbisë, Aleksander Vuçiç duhet ta dijë se ky presion, siç tha ai, i stilit Millosheviç, do të dështojë.
“Ky presion ndaj qytetarëve të Kosovës dhe shënjestrimi i serbëve të Kosovës që punojnë në institucionet e Kosovës duhet të ndalet. Vuçiç duhet ta dijë se ky presion dhe frikësim i ‘stilit Milosheviç’ do të dështojë!”, ka shtuar ai.
VAZHDO TË LEXOSH MË TEPËR PËR TEMËN
Vuçiç: Brenda 10 ditëve zgjidhje kompromisi me Kosovën
