Hierarkia ka ndryshuar. Sezoni i ri futbollistik sapo ka nisur dhe merkatoja është mbyllur në pothuajse të gjitha ligat më të njohura në Europë.
Ka pasur transferime dhe rinovime kontratash, por gjithashtu janë rishikuar edhe vlerat e lojtarëve, të cilat kanë ndryshuar, në rritje dhe zbritje. Këtë na e mundëson faqja e njohur “Transfermarkt”, e cila tashmë është specialiste për vlerat e kartonit të futbollistëve.
Vëzhgimi përkon me listën dhe vlerën e kartonit për futbollistët e Kombëtares, që në harkun kohor të një viti ka pësuar shumë ndryshime, teksa emra të rinj kanë ngjitur shkallët në këtë renditje.
Nëse pak kohë më parë në majë ishte mbrojtja, tani shohim që Armando Broja ka kaluar në krye. Sulmuesi vlerësohet me 22 milionë euro, 20 fish më shumë se 2 vite më parë. Kumbulla i Romës që mbante fronin, tani është në vendin e tretë me 16 milionë euro dhe sipër tij mbetet Gjimshiti me 17.
Të dy mbrojtësit kanë pësuar një rënie në vlerën e tyre. Në vend ka mbetur Nedim Bajrami, i cili mban vlerën 10 milionë euro, ndërsa në këtë shifër i është bashkëngjitur Kristjan Asllani, i cili u transferua tek Inter.
27- vjeçari Tomas Strakosha vijon listën me kartonin që i vlen 7 milionë euro dhe pas tij Hysaj dhe Çekiçi me nga pesë. Ky i fundit ka pësuar një rritje me 3 mln euro. I radhës vjen nga Spanja me Keidi Baren që i vlen kartoni 4 mln, ndërsa Vrioni i transferuar në SHBA 3.5.
Qazim Laçi, i cili po luan në elitën franceze vlerësohet 3 milionë, ndërsa po aq sa ai edhe Myrto Uzuni. Më tej, lista vijon me Balliun, Ismajlin, Manajn, Muçin dhe më pas renditen edhe të tjerët.
VAZHDO TË LEXOSH MË TEPËR PËR TEMËN
Muriqi i shënon Realit brenda në “Bernabeu”
Pritja e portierit shqiptar, ndër 4 më të mirat e UECL
