Milan është mposhtur pikërisht atëherë kur nuk duhej, me një rival direkt dhe në “San Siro”. Është Napoli ai që fitoi 1-2, duke marrë edhe kreun e renditjes së Serie A. Të kaltrit nuk janë mposhtur ende për këtë sezon në 9 ndeshje nga starti.
Kuqezinjtë kanë qenë më të rrezikshëm në pjesën e parë duke shkuar shumë afër golit me Giroud në minutën e 13-të, por një pritje e madhe e Meret dhe traversa i kanë mohuar golin. Sfida është zhbllokuar në minutën e 55-të pas një penalltie të fituar nga Kvaratskhelia dhe të transformuar në gol nga Politano.
Kundërpërgjigjja e Djallit ka ardhur pas 14 minutash, me Oliver Giroud që ka finalizuar në mënyrën e duhur një aksion të bukur të skuadrës. 12 minuta para fundit ka ardhur edhe episodi që ka vendosur takimin. Simeone ka marrë një krosim të bukur nga Mario Rui dhe ka dërguar topin në rrjetë me një goditje të bukur me kokë, ndaj së cilës Maigna nuk mund të bënte asgjë.
VAZHDO TË LEXOSH MË TEPËR PËR TEMËN
Roma e pëson në shtëpi, “skuqet” Mourinho
Juventus në krizë, mposhtet edhe nga vendi i fundit
