Kryeministri i Kosovës, Ramush Haradinaj, ka shpërndarë të enjten në rrjetet sociale një video promovuese për Kosovën.
Në një video të publikuar ditën e sotme nga kryeministri i Kosovës, Ramush Haradinaj, për të promovuar Kosovën, nuk kanë munguar edhe yjet e showbiz me famë botërore, të cilët janë me origjinë Kosova, si Dua Lipa, Rita Ora, Ramë Lahaj e Era Istrefi.
Rita Ora pak javë më parë publikoi albumin e dytë në karrierën e saj “Phoenix”, vitin 2018 e nisi me një koncert gjigant në Kosovë, me rastin e 10 vjetorit të pavarësisë.
Ndërkohë, Dua Lipa pati gjithashtu shumë suksese këtë vit, duke marrë më shumë se 8 çmime në evente të ndryshme botërore.
Vit jashtëzakonisht i suksesshëm ky ishte edhe për Era Istrefin, e cila i ka bërë krenarë shqiptarët këtë vit duke performuar në finalen e Kampionatit Botëror.
“Zëri ynë dëgjohet anembanë botës”, thuhet ndër të tjera në videon promovuese për Kosovën, ndërsa në sfond dalin këngëtaret Dua Lipa e Rita Ora.
VAZHDO TË LEXOSH MË TEPËR PËR TEMËN
Befason Dua Lipa, sjell baladën me Andrea Bocelli-n
Bebe Rexha dhe Dua Lipa në garë!
