Maxhoranca dhe opozita në Parlament kanë bashkuar për here të parë votat për të miratuar anëtarin e Bordit të Këshillit Drejtues të Radiotelevizionit Shqiptar, duke i dhënë këtë detyrë, Edmond Tullumanit.
Votimi i fshehtë për kandidatin Tullumani, mori 97 vota pro, 5 vota abstenim dhe 5 vota kundër.
Ndërkohë që Parlamenti ka dështuar në arritjen e konsensusit për të votuar “Arta MANDRO anëtare e Këshillit të Lartë të Prokurorisë që ka rezultuar nga hedhja e shortit të dytë në nënkomisionin “Për përzgjedhjen e kandidatit për anëtar të Këshillit të Lartë të Prokurorisë nga trupa e pedagogëve të Fakulteteve të Drejtësisë dhe të Shkollës së Magjistraturës”.
Për këtë votim të fshehtë u grumbulluan vetëm 72 vota pro, 8 abstenime dhe 10 vota kundër.
Ndërkaq, Kuvendi miratoi dhe Petraq Likën si anëtar të Bordit të Energjisë Elektrike, ky i fundit mori në total 72 vota pro,10 kundër dhe 8 vota abstenim.
Po ashtu u rrëzua dhe kandidatura rivale e Bledar Qira, i cili mori në total vetëm 14 pro, 13 kundër dhe 74 abstenime.
