Departamenti Amerikan i Shtetit paralajmëron sanksione të tjera dhe të tjera emra non grata, në mesin e zyrtarëve të lartë në vendet e Ballkanit Perëndimor, të akuzuar për korrupsion.
Deklarata është bërë nga zëdhënësi i DASH, Ned Price, një ditë më parë, pas shpalljes non grata të prokurores së shtetit në Bosnje Hercegovinë.
PYETJE: Ju sapo njoftuat sot, para këtij takimi, para kësaj konference se Shtetet e Bashkuara shpallin non grata Diana Kajmakovic, prokurore shtetërore në Bosnje dhe Hercegovinë. Çfarë mund të na thoni për këtë rast dhe a mund të presim më shumë sanksione në vendet e tjera të Ballkanit Perëndimor?
NED PRICE: Pra, një nga qëllimet tona kur bëhet fjalë për Ballkanin Perëndimor është të punojmë me qeveritë dhe të punojmë me njerëzit e rajonit për të synuar, për të hequr dhe çrrënjosur korrupsionin.
Dhe sanksionet janë një mjet i rëndësishëm për ta bërë këtë.
Ne e shpallëm non grata dhe Thesari njoftoi sanksionet këtë mëngjes ndaj një prokurore të përgjithshme të shtetit e cila ishte përfshirë në akte korrupsioni.
Ne kemi dhënë informacion në atë deklaratë. Thesari mund të ketë informacion shtesë në lidhje me bazën për atë përcaktim.
Dhe sanksionet do të mbeten një mjet i rëndësishëm, jo i vetmi, por një mjet i rëndësishëm – kur bëhet fjalë për rajonin dhe kur bëhet fjalë për qëllimin tonë, qëllimin që ne ndajmë me qeveritë dhe njerëzit në rajon, për çrrënjosjen e korrupsionit.
VAZHDO TË LEXOSH MË TEPËR PËR TEMËN
Biden emëron James O’Brien për sanksionet
A do ketë persona të shpallur non-grata?
