Vrasja e dy grave iraniane të dënuara me vdekje pasi ishin parë në publik me flokët e zbuluar, ka tronditur opinionin publik ndërkombëtar. Indinjatën për vendimin e tmerrshëm të qeverisë iraniane e kanë përkrahur edhe lojtarët e kombëtares së futbollit, të cilët organizuan një protestë të bujshme në miqësoren e së martës së kaluar kundër Senegalit.
Kur skuadrat hynë në fushë, lojtarët aziatikë donin të mbulonin fanellat e tyre të lojës me xhaketa të zeza. Sardar Azmoun, lojtari më i njohur – edhe ndërkombëtarisht – i kombëtares, nuk ka dashur ta festojë golin e tij, pikërisht në shenjë respekti për Mahsa Amini dhe Hadis Najafi dhe të gjitha femrat iraniane.
“Nuk mund të hesht më. A është dënimi përjashtimi nga kombëtarja? Le të më përjashtojnë. Nëse do të shpëtonte qoftë edhe një tufë flokësh të grave iraniane, do t’ia kishte vlejtur”, ka postuar më vonë sulmuesi i Bayer Leverkusen në rrjetet sociale.
Mundësia që qeveria iraniane të vendosë të ndëshkojë lojtarët që u bënë protagonistë të një proteste që ka bërë xhiron e botës është konkrete. Siç dihet, FIFA nuk toleron ndërhyrjen e qeverive kombëtare në futboll. Çdo masë e ndërmarrë nga autoritetet iraniane kundër Federatës së Futbollit mund të hapë skenarë të bujshëm.
Organi më i lartë institucional në futboll mund të vendosë madje të përjashtojë vendin aziatik nga Kupa e Botës e ardhshme e Katarit, e cila fillon në më pak se 50 ditë. Në këtë rast, Italia do të rikthehej në garë për një rikthim të bujshëm dhe të papritur. Të cilën nuk do ta kishte për merita sportive, por për pasojat e një situate të tmerrshme sociale brenda Iranit.
VAZHDO TË LEXOSH MË TEPËR PËR TEMËN
“Katar 2022”, Spanja në një grup me Gjermaninë
