Pas dy humbjeve, në kampionat me Milanin dhe në Champions me Maccabi Haifa, Juventus është rikthyer te fitorja, duke triumfuar 0-1 në derbi me Torinon. Tri pikë që rehabilitojnë disi skuadrën pas kritikave të fundit.
Rasti i parë konkret i takon ekipit të Juric. Aleksey Miranchuk gjen një pozicion të mirë për të goditur dhe provon nga distanca, por pa mundur dot të shënojë. Fundi i pjesës së parë mund të sillte avantazhin bardhezhi. Milinkovic-Savic i mohon golin Locatellit, me një pritje mjaft të mirë.
Topi sa në njërën anë në tjetrën, me sfidën që po bëhej akoma më interesante. Te Juventusi janë mjaft të vëmendshëm, kur bllokojnë Lazaron, i cili tashmë ishte në zonë dhe gati për të bërë keq.
Rreziku për torinezët vinte gjithmonë nga goditjet standarde dhe nga topat në ajër. Ekipi i Juric pëson gol po në këtë mënyrë në minutën e 75-të. Një top nga këndorja, i ndihmuar edhe nga asist, nuhatet mirë nga Vlahovic, i cili rrëshqet dhe gjen rrjetën.
