Rio Ferdinand, ish-mbrojtësi i Manchester United, i doli në krah Cristiano Ronaldos pas gjestit të largimit paraprakisht nga ndeshja e djeshme kundër Tottenhamit:
“Mendimi im i vetëm është që Ronaldo mund të jetë ruajtur për ndeshjen kundër Chelsea. Kjo është e vetmja mënyrë që unë e shoh logjikisht zgjedhjen për të mos e lënë të luajë. CR7 do të jetë absolutisht i tërbuar. Nuk do të prisja asgjë ndryshe nga ai.
Mendoj se problemi i madh që ka Erik ten Hag është se, duke mbërritur në këtë dritare transferimi, duhet të mendojë me kujdes për atë që bën. Nëse në shumicën e rasteve nuk e sheh Ronaldon si titullar në ekipin e tij, mendoj se duhet ta lirojë nga kontrata.
Ai duhet ta lërë të shkojë. Nuk është e drejtë për askënd, klubin, Cristianon, Ten Hag, që pyetja e parë pas çdo ndeshjeje është: Pse Ronaldo nuk ishte titullar? Pse klubi nuk e la të largohej nëse Ten Hag e dinte se nuk ishte në planet e tij? Do të jetë shqetësuese shumë për mua”.
Gjesti i Cristiano Ronaldos për t’u larguar nga fusha për të shkuar në dhomat e zhveshjes para përfundimit të ndeshjes Manchester United-Tottenham, fitore 2-0 nga “Djajtë e Kuq”, sigurisht që nuk ka kaluar pa u vënë re.
Sipas “As”, klubi anglez do të sanksionojë CR7, por pasojat mund të jenë jo vetëm ekonomike, por edhe sportive. Madje nuk mund të thirret kundër Chelsea.
VAZHDO TË LEXOSH MË TEPËR PËR TEMËN
