Qeveria ka miratuar aktin normativ për kursimin e energjisë elektrike në kushtet e emergjencës energjetike të shpallur nga këshilli i ministrave.
Në nenin 4 të këtij akti normativ përcaktohet se institucionet e qeverisjes qendrore dhe ato të varësisë duhet të reduktojnë konsumin e energjisë elektrike në masën 15% krahasuar me vitin e shkuar.
Ata do të bëjnë raportim pranë Task Forcës së Energjisë brenda 7 ditësh nga hyrja në fuqi e aktit normativ në lidhje me verifikimin e pajisjeve që konsumojnë shumë energji elektrike dhe masave të vendosura.
Mosarritja e pragut të vendosur për dy muaj nga ana e institucionit do pasohet me gjobë për titullarin e saj ose administratorin e ka përgjegjësi mbi subjektin apo objektin në fjalë.
Në masat e përcaktuar për konsumin e energjisë për abonentët jo familjarë është ndalimi i përdorimit të ajrit të kondicionuar në temperaturë jo më të ulët se 27 gradë gjatë verës dhe jo më të lartë se 21 gradë gjatë dimrit.
Ndërkohë është vendosur ndërprerja e ndriçimit të jashtëm të godinave pas orës 22:00, ndërprerja e ndriçimit rrugor dhe i objekteve të kulturës, monumenteve, shatërvanëve apo shesheve.
Në rast shkelje të këtij akti normativ, qeveria ka vendosur ndëshkimin me 50 mijë lekë gjobë.
VAZHDO TË LEXOSH MË TEPËR PËR TEMËN
Masat për kursimin e energjisë në vend
Energjia, mes kursimit dhe shtrëngimit
Masat e BE për kursimin e energjisë
