Presidentja Vjosa Osmani ka deklaruar se SHBA-ja s’ka kërkuar kurrë që Kosova të heq dorë nga kërkesa për njohje reciproke me Serbinë.
Osmani tha se presidenti amerikan, Joe Biden dhe Sekretari i Shtetit, Antony Blinken kanë kërkuar me shkrim që njohja reciproke të jetë në qendër të dialogut.
“Sa i përket marrëveshjes finale, Shtetet e Bashkuara të Amerikës asnjëherë nuk kanë kërkuar nga Republika e Kosovës një marrëveshje finale pa njohje reciproke. Po ashtu më lejoni ta potencoj një gjë që është konfirmuar edhe nga partnerët tanë strategjikë më shumë se një herë: njohja reciproke është e vetmja zgjidhje e cila sjell paqen dhe stabilitet afatgjat në rajonin tonë”, tha Osmani.
Osmani ka përsëritur se “nuk ka pasur kërkesë asnjëherë që Kosova të heq dorë nga kërkesa për njohje reciproke”. Ajo tha se njohja reciproke “është domosdoshmëri”.
VAZHDO TË LEXOSH MË TEPËR PËR TEMËN
‘Nuk ka BE për Serbinë pa e njohur Kosovën’
‘Ndarja e Kosovës do të ishte fatale’
‘Pa SHBA, Gjermani dhe Rusi nuk ka marrëveshje’
