Sipas gazetës La Repubblica, José Mourinho dëshiron të nënshkruajë me Wilfried Zaha te Roma si lojtar i lirë, por Real Madrid mund ta tundojë trajnerin portugez nëse Carlo Ancelotti tërhiqet nga stoli…
Mourinho po kalon një moment të vështirë te Roma pas një fillimi mjaft të mirë të sezonit. Giallorossi humbën derbin kundër Lazios dhe morën një barazim zhgënjyes 1-1 kundër Sassuolo të mërkurën kur Specialisti i kërkoi një prej lojtarëve të tij – ndoshta Rick Karsdorp – të largohej në janar.
Sipas La Repubblica, dyshimet e para për Special One kanë filluar të shfaqen te Roma dhe pronarët ende nuk janë të gatshëm të diskutojnë një zgjatje të kontratës me trajnerin, duke marrë parasysh që marrëveshja e tij aktuale përfundon në 2024.
Mbetet për t’u parë nëse Mourinho është i interesuar të zgjasë kontratën e tij në Stadio Olimpico pasi gazeta raporton se Florentino Perez mund ta tundojë Mourinhon në verë, duke i ofruar atij punën në Real Madrid nëse Carlo Ancelotti largohet nga klubi dhe pensionohet.
VAZHDO TË LEXOSH MË TEPËR PËR TEMËN
