“U ndjeva i tradhtuar!” Cristiano Ronaldo në një intervistë të bujshme për Piers Morgan te “The Sun” ka folur hapur dhe ka shpjeguar se cfarë ka ndodhur tek United, ku tashmë “divorci” është i pashmangshëm në janar.
“Unë jam konsideruar delja e zezë e tufës! Madje, jo vetëm nga trajneri, por edhe ata 2-3 përreth. Mendoj se edhe vjet nuk më donin.” Një deklaratë e bujshme kjo e yllit portugez në prag të Kupës së Botës që do të startojë më 20 nëntor.
“Ndihem i tradhtuar nga Manchester United. Klubi u përpoq të më detyronte të largohesha. Jo vetëm trajneri, por edhe djemtë e tjerë që janë përreth klubit. Ndihemi i tradhtuar. Ndjej se disa njerëz nuk më donin mua këtu te Manchester United dhe nuk bëhet fjalë vetëm për këtë vit, por edhe sezonin e kaluar.
View this post on Instagram
Unë nuk kam respekt për Ten Hag, sepse ai nuk tregon respekt për mua, kështu që është e thjeshtë. Asgjë nuk ka ndryshuar këtu që nga largimi i Alex Ferguson.
Kur vendosa të kthehesha në Manchester, ndoqa zemrën time. Fergusoni më tha: ‘Është e pamundur për ty të shkosh te City’. Dhe unë thashë: ‘Ok, shef’ … kështu, u ktheva. Por asgjë nuk ka ndryshuar këtu. Progresi është ZERO”, deklaroi ndër të tjera Ronaldo.
Më pas, ai godet Rooney: “Nuk e di pse më kritikon kaq keq… ndoshta sepse ai e përfundoi karrierën e tij dhe unë ende po luaj në nivele të larta. Nuk do të them se po dukem më mirë se ai, por më shumë gjykoni vetë.”
VAZHDO TË LEXOSH MË TEPËR PËR TEMËN
Eriksen gol dhe asist, United fiton në 93’
