Janë luajtur vetëm 5 ndeshje së fundmi në NBA, ku spikati fitorja në sekondat e fundit e Dallas Mavericks, që mundi 103-101 Los Angeles Clippers, në një sfidë me rivalitet.
George me 23 pikë e Batum me 22 pikë nuk arritën të evitojnë humbjen për kalifornianët, ndërsa për Dallas u dallua i zakonshmi Luka Doncic, autor i 35 pikëve e 11 rebound. Dallas ngjitet në vendin e pestë në Perëndim.
Po në këtë konferencë, Utah Jazz pësoi humbjen e tretë radhazi dhe lë kreun, duke zbritur në vendin e tretë. Jazz u mundën në fushën e tyre 118-111 nga New York, sfidë për Knicks u dallua Brunson me 25 pikë. Nga kjo humbje përfitoi Portland, që pas fitores ndaj San Antonios merr kreun në Perëndim.
Në Lindje, tjetër zhgënjim për skuadrën e Brooklyn, që u mund 153-121 nga Sacramento, që nga ana e tij mori fitoren e katërt radhazi. Kevin Durant me 27 pikë e pati të pamundur të mbajë skuadrën e Nets në lojë, ndërsa për King u dallua Davis me 31 pikë edhe pse e nisi ndeshjen nga stoli.
