Të gjithë e quajnë “xhaxha Chen” (Uncle Chen), por historia e tij është bërë virale në gjithë botën. Bëhet fjalë për një kinez, rreth 50 vjeç, që ra në sy në maratonën e Guangzhou, pasi e përshkoi të gjithë distancën (42km), duke vrapuar dhe pirë cigare.
Ai ka pirë cigare njëra pas tjetrës gjatë garës dhe në disa foto të shkrepura ai duket teksa i ndez ato në kohën që vrapon. Dhe, pavarësisht moshës e cigareve, ai nuk doli keq në maratonë, duke e mbyllur garën në 3h28’45”.
Kjo nuk është hera e parë që ai merr pjesë në një event të tillë. Madje, edhe pse po plaket, kohët që ai ka arritur në maratona në katër vitet e fundit janë duke u përmirësuar. Dhe, gjithnjë, vrapon duke pirë cigare, ndërkohë që në jetën reale ai nuk është duhanpirës i rregullt.
“Uncle Chen” es mi nuevo héroe. Hace 3:28:45 en la Guangzhou maratón de China… FUMANDO. Se la suda todo. Y con ese tiempo queda el 574 de 1.500!. Antes había corrido también fumando siempre en tiempos cercanos a 3:30. pic.twitter.com/ncHlJcLF6R
— Gonzalo Quintana (@quintanagonzo) November 15, 2022
Mediat thonë se ai pi duhan vetëm gjatë kohës që vrapon, që për disa psikologë është si një mënyrë për të hequr stresin dhe ankthin e garës. Ose, ndoshta është një bast që ai ka vendosur me të tjerët. Apo, siç thotë dikush, është një mënyrë e mirë për të mbajtur larg vetes garuesit e tjerë.
