Vetëm tri ndeshje të luajtura ditën e fundit në NBA, por spektakli dhe emocionet nuk kanë munguar. Skuadra e Brooklyn Nets edhte rikthyer te fitorja, duke mposhtur 109-107 kryesuesit e Perëndimit në tranfertë, ekipin e Portland, në një përballje të hapur deri në sekondën e fundit.
Vendimtar për miqtë ishte Durant, autor i 35 pikëve, që thuajse i vetëm mposhti Portland. Për vendasit, Lillard me 25 pikë e Simons me 24 u përpoqën t’i japin fitoren ekipit të tyre, por pa sukses.
Fitore të rëndësishme për një vend në play off mori ekipi i Los Angeles Clippers, që mundi 96-91 Detroit Pistons. Bogdanovic me 26 pikë ishtë më i miri për miqtë, por i vetëm nuk mundi të bëjë diferencën në fushë. Për Clippers u dallua Jackson me 23 pikë, ndërkohë që u rikthye pas dëmtimit Leonard.
Fitore të thellë korri skuadra e Sacramento Kings, që mundi 130-112 San Antonion. Ndeshje spektakolare, ku për vendasit shkëlqyen Fox me 28 pikë e Monk me 26, ndërsa për Spurs u dallua Vassell me 29 pikë, por që mbetën për statistikë.
