Akuzat ndaj Katarit, vendit organizatorë, sa vijnë e shtohen. Shkeljet e të drejtave të njeriut, lira e fjalës, kushtet e punës, e shumë faktorë të tjerë socialë kanë bërë që shtete, aktorë, personazhë të famshëm, por dhe futbollist aktiv ose ish futbollistë të dalin kundër këtij organizimi me shumë dritë-hije.
“Perlat” që vijnë nga Katari këto ditë janë të shumta, pasi organizatorët po bëjnë gjithçka që të lë një përshtypje të mirë në sytë e të gjithë botës.
Periudha në të cilën po zhvillohet ky Botëror, largësia, çmimet e larta, por dhe kushtet e pa pranueshme, si mos lejimi i alkoolit e shumë të tjerave, kanë bërë që parashikimet të jenë të zymta në lidhje më praninë e tifozëve.
Me sa duket, në Katar janë kujdesur edhe për këtë pjesë, pasi sipas mediave botërore, organizatorët kanë menduar të punësojnë tifozë nga Pakistani për të mbushur stadiumet. Tifozëve u ofrohet 10 dollarë dhe 3 vakte falas për të qenë të pranishëm në një ndeshje.
Jo vetëm në stadium, por edhe në fan zonë, apo në rrugët e Katarit, do të ketë shumë tifozë të tillë, pa asnjë lidhje me futbollin, apo tifozë të përfaqësueseve, thjesht do të krijojnë iluzionin se interesi dhe atmosfera është pozitive.
VAZHDO TË LEXOSH MË TEPËR PËR TEMËN
“Po fitova Botërorin, do të lë futbollin”
Skandali, Katari blen ndeshjen hapëse me Ekuadorin?
