Piloti holandez Max Verstappen me Red Bull fitoi sot garën e Cmimit të Madh të Abu Dhabi në Formula 1, zhvilluar në pistën e Yas Marina (gara e fundit e sezonit). Një fitore pa shumë mund e kampionit të botës, që e dominoi garën nga xhiro deri tek e fundit.
Ai la pas monogaskun e Ferrari, Charles Leclerc (i dyti), ndërkohë që në podium u ngjit edhe meksikani Sergio Perez (i treti) me makinën tjetër Red Bull. Vendi i dytë i Leclerc në këtë garë ishte shumë i rëndësishëm për të, pasi u klasifikua në vendin e dytë edhe në renditjen e përgjithshme për pilotë, duke lënë pas pikërisht Perez.
Strategjia me një ndalesë e pilotit të “kokëkuqes” i dha frutet e saj këtë herë, duke parakaluar meksikanin, që bëri një ndalesë më shumë. Vendin e dytë në botërorin për konstruktorë zuri edhe Ferrari, që la pas Mercedes (kampione doli Red Bull).
He always finds the right words #AbuDhabiGP #DankeSeb pic.twitter.com/k3FCOT5KFy
— Formula 1 (@F1) November 20, 2022
Pikërisht sfida për vendin e dytë ishte kryefjala e kësaj dite, me Leclerc e Ferrari që bënë një hap të madh në këtë garë të fundit, duke rrezikuar disi me strategjinë, por që në fund dha rezultat.
Në vendin e katërt u rendit spanjolli i Ferrari, Carlos Sainz, që la pas britanikun George Russell me Mercedes, ndërsa Leëis Hamilton u tërhoq pak xhiro nga fundi. Gjermani Sebastian Vettel, që zhvilloi garën e fundit, u rendit i dhjeti.
