Sipas një studimi të ri të botuar në revistën “Science”, shkenca nuk e ka mbështetur kurrë idenë e konsumimit të dy litrave ujë në ditë, për të plotësuar nevojat ditore të trupit të njeriut. Studimi i ri zbulon se ka një gamë të gjerë sasish uji që mund të konsumohen, në varësi të nevojave të çdo personi. Dale Schoeller, një profesor në Universitetin e Uiskonsin (SHBA), ka shpenzuar vite duke studiuar ujin dhe metabolizmin dhe thekson se:
Vëllimi i përgjithshëm i ujit ngatërrohet me ujin e pijshëm, ndërsa pjesa më e madhe e ujit vjen nga ushqimi.
Schoeller e konsideron këtë studim si më të mirin që ka bërë deri më tani për të matur sasinë e ujit që njerëzit konsumojnë në të vërtetë në baza ditore, duke marrë parasysh qarkullimin e ujit brenda dhe jashtë trupit. Për këtë hulumtim, u vëzhguan më shumë se 5600 njerëz nga 26 vende, të moshës nga 8 deri në 96 vjeç. Kështu, u gjetën mesataret ditore të konsumit të ujit që luhaten midis 1 litër dhe 6 litra në ditë.
Studiuesit matën kohën që i duhet ujit që të qarkullojë nëpër trupat e pjesëmarrësve. Subjektet e studimit pinin një sasi uji që përmbante izotope të gjurmueshme të hidrogjenit dhe oksigjenit. Në këtë mënyrë, ata ishin në gjendje të vëzhgonin shkallën me të cilën një person eliminon izotopet e qëndrueshme përmes urinës gjatë një jave, duke treguar kështu se sa ujë po zëvendësojnë dhe sa kalori po djegin. Më shumë se 90 studiues morën pjesë në studim.
Së bashku, ata mblodhën dhe analizuan të dhënat e pjesëmarrësve, duke krahasuar faktorët mjedisorë si temperatura, lagështia dhe lartësia e qyteteve, me matjet e rinovimit të ujit, shpenzimin e energjisë, masën trupore, gjininë dhe moshën. Vëllimi i rinovimit të ujit arriti kulmin tek meshkujt e moshës 20 vjeç, ndërsa te gratë ishte midis 20 dhe 55 vjeç. Nga ana tjetër, të porsalindurit janë ata që rinovojnë më shumë ujin në baza ditore, duke zëvendësuar rreth 28% të ujit në trupin e tyre.
Ndërkaq, të gjithë ose të paktën shumica e njerëzve kanë një zakon të përbashkët, që kafen e shoqërojnë me ujë. A ju ndodh shpesh që të pini ujë menjëherë pas kafës sepse thjesht nuk ju pëlqen ajo ndjesi e hidhur në gojë? Këto pije i gjejmë shpesh të servirura krah për krah dhe instinkti për të pirë pak ujë për të pastruar gojën pas konsumimit të kafesë shpesh është i pashmangshëm. Por gjithçka duket se sillet rreth cilësisë së vetë kafesë. Shumica e kafeve që konsumohen janë të një cilësie mesatare ose të ulët.
VAZHDO TË LEXOSH MË TEPËR PËR TEMËN
3 këshilla për të qenë të hidratuar
