Shtetet e Bashkuara njoftuan më 29 nëntor se do t’i ofrojnë 53 milionë dollarë në mbështetje të blerjes së pajisjeve të rrjetit elektrik të Ukrainës, në mënyrë që të ndihmohet Kievi kundër sulmeve ruse që kanë për qellim infrastrukturën e energjisë.
Sulmet ruse ndaj infrastrukturës së energjisë së Ukrainës kanë lënë miliona banorë në terr dhe pa ngrohje.
“Këto pajisje do të dërgohen me shpejtësi në Ukrainë për të ndihmuar ukrainasit që ta kalojnë dimrin”, u tha në deklaratën e Departamentit amerikan të Shtetit.
Në njoftim po ashtu u tha se paketa e ndihmës do të përfshijë dërgimin e transformatorëve të shpërndarjes së energjisë, ndërprerësve elektrikë dhe pajisjeve të tjera.
Që nga muaji tetor, Rusia ka kryer sulme të mëdha ndaj rrjetit elektrik të Ukrainës dhe ndaj infrastrukturës së ngrohjes. Kievi, që po përballet me pushtimin rus që nga fundi i shkurtit, i konsideron këto sulme si sulme të qëllimshme ndaj civilëve dhe thotë se janë krime të luftës./REL
VAZHDO TË LEXOSH MË TEPËR PËR TEMËN
Lufta Rusi-Ukrainë/ Kryeministri publikon planin për rindërtimin e vendit
A mund të detyrohet Rusia të paguajë për Ukrainën?
Fokusi i G7 nuk duhet të jetë fundi i luftës, por rindërtimi i Ukrainës!
