Mandati i dytë, Majko: Rama dëmton veten nëse s’mbështet Veliajn

I ftuar në emisionin ‘A show’ me Adi Krastën, ministri i Shtetit për Diasporën, Pandeli Majko ka folur për aktualitetin politik, opozitën, si dhe nëse do të mbështeste një grupim që do kishte ndryshim politik brenda PS.

Majko tha se kryeministri Rama do dëmtonte veten nëse nuk do mbështeste Veliajn për një mandat të dytë në krye të bashkisë së Tiranës. Sa i përket opozitës, Majko u shpreh do donte një PD më të fortë.

Krasta: Mund të ndodhë që kryeministri të mos e vendosë Veliajn për kryetar të Tiranës dhe nëse ndodh pse duhet ta bënte?

Majko: Nuk kam informacion. Por mendoj se Rama do dëmtonte veten nëse do e bënte këtë.