Kryeministri i Malit të Zi, Dritan Abazovic, deklaroi nga Bukureshti, ku po merr pjesë në konferencën e ministrave të punëve të jashtme të NATO-s, se vendimi i Podgoricës për anëtarësim në Aleancë ishte i mençur, sepse sipas tij NATO është një politikë sigurimi.
“Ishte një vendim absolutisht i mençur dhe dëshmi për këtë janë ngjarjet e fundit pas agresionit të Rusisë kundër Ukrainës. Keni vende që ishin neutrale deri para fillimit të luftës dhe që askush nuk mund t’i motivonte për t’u bashkuar me NATO-n, por që tani presin hapjen e rrugës për anëtarësimin në aleancë, siç janë Suedia dhe Finlanda”- Abazoviç për Tanjug.
Ai theksoi se Mali i Zi nuk dëshiron asnjë luftë apo konflikt, por dëshiron të jetë një anëtar i besueshëm i një organizate ndërkombëtare që merret edhe me sigurinë. Gjithashtu Abazoviç u ndal dhe te marrëdhëniet e vendit të tij me Serbinë ku tha se ato janë përmirësuar ndjeshëm kohët e fundit.
“Marrëdhëniet midis Serbisë dhe Malit të Zi janë në një trajektore rritëse dhe janë përmirësuar ndjeshëm me Qeverinë e 43-të të Malit të Zi, por ato ende janë të rrezikuara nga njerëzit që jetojnë në të kaluarën”, vijoi Abazoviç.
Gjithashtu Abazoviç komentoi dhe protestat e zhvilluar së fundmi në Malin e Zi kundër Ballkanit të Hapur. Ai th se Open Balkan është një nismë e cila thjesht përshpejton Procesin e Berlinit.
“Unë personalisht mbështes të gjitha format e bashkëpunimit rajonal, çdo gjë që kontribuon në një bashkëpunim më të madh, që jemi bashkë dhe jo në armiqësi, qoftë procesi i Berlinit apo Ballkani i Hapur. Kur bëhet fjalë për procesin e Berlinit, situata është paksa e kundërt. Ballkani i Hapur i dha vrull procesit të Berlinit – ka të bëjë me konkurrencë të shëndetshme”, ka thënë ai.
VAZHDO TË LEXOSH MË TEPËR PËR TEMËN
“Ballkanizimi” i rrezikshëm i BE-së
‘Basti i Madh’ i Vuçiç për Trump
