Policia e Kosovës, në pikë kalimin kufitar Jarinje, sot në mesditë ia ka refuzuar hyrjen një veture me targa “BG”, në të cilën gjendeshin një zyrtar dhe tre persona të tjerë, si dhe një autobusi po ashtu me targa “BG”, i cili kishte ardhur nga Serbia në drejtim të Republikës së Kosovës (RKS).
Kështu thuhet në një njoftim për media nga zyra për Informim të Policisë së Kosovës.
Sipas njoftimi, personit zyrtar dhe shoqërueseve të tij me veturën Audi me targa “BG”, iu është refuzuar hyrja në Republikën e Kosovës, pasi që të njëjtit nuk kanë poseduar leje për hyrje nga Ministria e Punëve të Jashtme e RKS-së.
“Po ashtu autobusi i cili kishte ardhur nga Serbia në drejtim të RKS-së, në të cilin kanë qenë klubi i basketbollit ‘Partizani i Beogradit’, iu është refuzuar hyrja pasi të njëjtit nuk kanë poseduar leje për hyrje nga Ministria e Kulturës, Rinisë dhe Sportit (Federata e basketbollit të RKS-së). Pas sqarimeve dhe informacioneve zyrtare që iu janë dhënë, të njëjtit janë kthyer në drejtim të Serbisë”, thuhet ndër të tjera në njoftim. /Konica.al/
VAZHDO TË LEXOSH MË TEPËR PËR TEMËN
‘Kosova nuk do të anëtarësohet në INTERPOL’
‘Kosova mund t’i bashkohet Shqipërisë’
‘Kosova nuk është kushti i vetëm’
