Spektakli sportiv Francë-Marok u dëmtua fatkeqësisht nga incidentet e ndodhura në rajonin transalpin, pas vwrshëllimës së fundit të gjysmëfinales së Botërorit. Pati disa përplasje të egra në pjesë të ndryshme të Francës, midis mbështetësve marokenë dhe atyre të kampionëve në fuqi të botës.
Fatkeqësisht regjistrohet edhe një viktimë. Në fakt, ishte një adoleshent që humbi jetën në Montpellier. Pas fitores së Mbappe dhe shokëve të tij, që pushtuan finalen e “Katar 2022”, mposhtur Marokun e shkëlqyer, situata ka degjeneruar në shumë sheshe dhe rrugë transalpine.
Nëse ditët e fundit tifozët marokenë ishin bërë tashmë protagonistë të ekseseve, teksa gëzonin për sukseset ndaj Spanjës dhe Portugalisë, këtë herë kanë shkuar më tej. Frustrimi për rezultatin negativ i “shkalloi” fare mbështetësit e ekipit afrikan, të cilët në Paris dhe qytete të tjera shkaktuan disa përplasje me tifozët francezë.
Situata më e rëndë ka ndodhur në Montpellier, ku u regjistrua edhe një viktimë në moshë të re. Gjithçka ndodhi në rrugë, me disa video të qarkulluara në Twitter, që dokumentojnë gjithçka. Gjatë autokolonës proverbiale të tifozëve francezë, që synonin të festonin arritjen në finale duke iu rënë borive, disa tifozë marokenë vendosën të ndërhynin.
Mass riots broke out in #France
Moroccan fans, upset by the defeat of their national team, began to destroy everything in their path. The police are forced to use special means.
In Montpellier, the fans tried to rip the French flag from the car. The result is in the last video. pic.twitter.com/aE1ZH45S5m
— NEXTA (@nexta_tv) December 15, 2022
Në pamje mund të shihet se si ata rrethuan një makinë, duke u përpjekur t’i rrëmbejnë asaj një flamur francez të shfaqur për të festuar fitoren. Në atë moment drejtuesi i makinës, me siguri në panik, me një manovër të papritur bëri një kthesë. Duke përshpejtuar, ai mori përpara mbështetësit marokenë.
Më e keqja? Një djalë, për fat të keq përfundoi nën rrota. Ndihma ishte e menjëhershme, me 14-vjeçarin që u transferua në spital me kod të kuq, siç konfirmoi më pas prefektura Herault. Për të, megjithatë, nuk kishte asgjë për të bërë, ndaj vdiq pak më vonë.
Policia po heton ngjarjen, ndërsa drejtuesi i mjetit është aktualisht në arrati, në kërkim. Automjeti është gjetur pranë zonës së aksidentit dhe është sekuestruar. Ndihma e kamerave është thelbësore për të sqaruar se çfarë ka ndodhur. Prefektura tha: “Hetimi policor po vijon me shpejtësi nën drejtimin e prokurorisë”
VAZHDO TË LEXOSH MË TEPËR PËR TEMËN
