Bjordi Mezini është një nga konkurrentët e rinj që iu bashkuan “Big Brother Vip”. Sot një regjisor në karrierë, mirëpo Bjordi nuk është aspak një emër i panjohur për publikun. Ai u bë i njohur pas pjesëmarrjes së tij në “Big Brother” në vitin 2009.
Pas plot 14 vitesh ai duket se ka vendosur të rikthehet aty ku e nisi vetëm se këtë herë i rrethuar nga “personazhe të njohur”.
Ai ka nisur lojën dhe rrëfimet e tij brenda shtëpisë, ku ditën e sotme ka folur jetën e tij sentimentale, duke treguar se ka dikë jashtë, megjithatë aty ka hyrë si beqar.
Sipas tij, jo se po kërkon të ketë diçka me dikë brenda shtëpisë, por beqar në kuptimin që nuk do të flasë për historinë që ka jashtë dhe as ta përfshijë atë në bisedat me banorët apo në lojën e tij. Bjordi gjithashtu shpjegoi se arsyeja përse ka marrë këtë vendim është spese historia publike që ka pasur e ka traumatizuar jo pak.
“Në rastin tim, lidhja publike është një çështje që më ka traumatizuar jo pak. Për mënyrën si jam ndërtuar unë, vëmendja mediatike, përfshirja e publikut edhe mediave ka qenë diçka që ka ndikuar jo pak. Jo vetëm në lidhjen time, por edhe në karakterin tim. Kjo gjë më ka bërë të kuptoj se disa gjëra në jetën time nuk do t’i ndaj më kurrë.”- tha banori i “Big Brother Vip”, referuar lidhjes së tij me ish-banoren e ndjerë të “Big Brother”, Adela Xhamani.
Bjordi dhe Adelajda ishin dy nga emrat më të përfolur të “Big Brother Albania 2”, në vitin 2009, ndërsa raporti i tyre, nisur edhe nga rrethanat, konsiderohet si një nga historitë më ikonike të dashurisë në këtë reality shoë në Shqipëri.
VAZHDO TË LEXOSH MË TEPËR PËR TEMËN
Bjordi flet për mungesën e Adelës
Ky është projekti që do të rikthejë fuqishëm Klea Hutën!
