Ndahet nga jeta legjenda e rokut

Veterani amerikan i rokut, Dejvid Krozbi ka vdekur në moshën 81-vjeçare. Shkaku i vdekjes ende nuk është kumtuar. Bashkëshortja e tij e konfirmoi lajmin për mediumet amerikane.

“Dejvid ndërroi jetë pas një sëmundjeje të gjatë, i rrethuar nga familja e tij. Trashëgimia e tij do të jetojë përmes muzikës së tij”, thuhet në kumtesë.

Këngëtari i rokut, kitarist dhe tekstshkrues ishte pjesë e bendeve “Bërds dhe Krozbi”, dhe “Stills dhe Nesh”. Karrierën e filloi në vitin 1964, si anëtar i bendit “Bërds”, i njohur për përpunimin e hitit të këngëtarit Bob Dillan – “Tambourine Man”. Krozbi dy herë ishte pranuar në Shtëpinë e të famshmëve të rokenrollit.