Situata në Turqi mbetet dramatike me ekipet e shpëtimit që përpiqen në kushte të pafavorshme të motit për të gjetur të mbijetuarit në mbeturinat e shkaktuara nga tërmeti shkatërrues.
Mes mijëra të zhdukurve janë edhe sportistë dhe familjarë të tyre. Siç njofton Federata Turke e Volejbollit, mes të zhdukurve është shtuar edhe ekipi i volejbollit për femra, Rasus Kimya Hatay Voleybol, me një histori tragjike.
Ky ekip ishte vendosur në periferi të Rasus në Gaziantep, qytet që gjithashtu ka pësuar dëme të tmerrshme. Mesditën e së dielës ata po luanin në shtëpinë e Antakya (Antioki) dhe nuk dihet pse mbetën në qytet dhe nuk u kthyen në shtëpinë e tyre.
Me sa duket skuadra ka qëndruar në bujtinat që ishin në stadium (sallën e sporteve të Antakias) ose në një hotel që ndodhej aty pranë, të cilët janë shembur dhe sipas Federatës i gjithë ekipi është varrosur nën rrënoja.
Sipas informacioneve të pakonfirmuara, këto ditë ishte planifikuar të zhvillohej një turne zhvillimi volejbolli në Antioki dhe në të njëjtën godinë, ishin edhe dy ekipe volejbolli nga Qiproja, të cilët edhe ata dyshohet të jenë në mesin e të zhdukurve.
