Ja një arsye më shumë për të udhëhequr me një shtrëngim duarsh të fortë.
Të kesh një shtrëngim të dobët mund të jetë një paralajmërim i vdekjes së hershme, sipas një studimi të ri nga studiuesit në Universitetin e Miçiganit.
Studimi e lidh forcën e shtrëngimit me një rrezik më të lartë të sëmundjeve kronike të lidhura me moshën, përfshirë edhe kancerin.
Një kapje e dobët, thanë studiuesit, mund të jetë një shenjë e dobësisë së përgjithshme të muskujve – një faktor i njohur i shumë sëmundjeve.
“Duke pasur parasysh këto lidhje, forca gjatë shtrëngimit është etiketuar si një ‘biomarker i plakjes’; dhe megjithatë, rrugët që lidhin forcën e kapjes me pasojat negative shëndetësore janë të paqarta”, shkruan autorët në raportin e tyre të ri, të botuar në Journal of Cachexia, Sarcopenia and Muscle.
Studiuesit ndoqën 1275 burra dhe gra gjatë periudhës tetë deri në 10 vjet, të cilët ishin të moshës rreth 70 vjeç gjatë asaj periudhe.
Ata më pas përdorën diçka të quajtur një dinamometër me susta Smedley – një pajisje që mat forcën e kapjes – për të testuar pjesëmarrësit çdo dy vjet.
Përveç kësaj, studiuesit morën edhe mostrën e tyre të gjakut, në mënyrë që të studionin nivelet e metilimit të ADN-së në secilin pjesëmarrës. Të kesh një rritje të metilimit të ADN-së ose të kesh shumë prej tij mund të ndikojë në rrezikun e zhvillimit të sëmundjeve si kanceri dhe sëmundje të tjera kardiovaskulare. Sipas ekspertëve, metilimi i ADN-së është i lidhur ngushtë me plakjen dhe sëmundjet e lidhura me moshën.
VAZHDO TË LEXOSH MË TEPËR PËR TEMËN
