“A ishte kjo hera e fundit që shohim Lionel Messin në Champions League? Mbrëmë, stacionin anglez të CBS, që transmetoi ndeshjen mes Bayern Munichut dhe PSG-së, Jamie Carragher i tha këto pak fjalë, të cilat sollën reagime në Angli.
Mbrëmja e ‘Pleshtit’ në çdo rast është kthyer në një fiasko. I shumëpritur për duetin e tij me Kylian Mbappé, ylli Leo Messi dështoi. I aftë për ta çuar Argjentinën drejt një fitoreje në Kupën e Botës, ‘Pleshti’ nuk ishte i aftë për të njëjtën paraqitje me klubin parizian.
Kjo ngre domosdoshmërisht çështjen e së ardhmes së tij. A do të qëndrojë Messi edhe një sezon te PSG, që grumbullon vetëm dështime evropiane? Nuk është ky trendi i momentit, por Messi duket dukshëm më pranë një largimi, sesa një zgjatjeje sipas të përditshmes sportive.
Një largim, i cili, të paktën, do të kishte avantazhin për t’i ofruar pak më shumë liri financiare PSG-së për ta rindërtuar këtë verë, ndërkohë që largimi i Neymarit të dëmtuar rëndë duket tashmë i kompromentuar për këtë verë…
