Një lajm i trishtë vjen nga qyteti i Durrësit. Ditën e sotme është ndarë nga jeta Burrnesha e Durrësit, Diana Rakipi ose Lali, siç e thërrisnin. Ajo ka ndërruar jetë në moshën 70-vjeçare, për motive që ende nuk dihen.
Diana Rakipi ose Lali, siç e thërrisnin, kishte humbur kontaktet me të afërmit. Pas njoftimit që ata kanë bërë, zjarrfikësit kanë gjetur të pajetë në banesën ku jetonte.
Bijë në një familje me shumë fëmijë (3 vëllezër e 5 motra) Diana ishte dëshmi e gjallë e traditave të vjetra shqiptare, të përfshira në kanunin e Lek Dukagjinit, ku virgjëreshat e betuara, apo burrneshat, janë gra që ndërmarrin një betim dëlirësie dhe veshin rroba mashkullore për të jetuar si burra në shoqëritë patriarkale të Shqipërisë Veriore, Kosovës dhe Malit të Zi.
Lali u betua për t’u kthyer në burrneshë gjatë kohës që Shqipëria ishte ende nën regjimin komunist. Ajo përçonte herë pas here mesazhe të forta për vajzat: “Bëhuni të zonjat e vetes merreni fatin tuaj në dorë dhe mos u dorëzoni kurrë përballë asgjëje”.
VAZHDO TË LEXOSH MË TEPËR PËR TEMËN
BBC reportazh për burrneshat shqiptare: Kjo është botë burrash.
