Kryetari i Partisë së Lirisë, Ilir Meta ka folur për gazetarët pas takimit të zhvilluar paraditen e sotme me ish kryeministrin Sali Berisha në selinë e PD.
Meta deklaroi se do të rikthejnë transparencën dhe llogaridhënien në të gjitha bashkitë e vendit pas zgjedhjeve të 14 Majit.
Ai komentoi humbjen e gjyqit në Arbitrazh për çështjen Becchetti, duke theksuar se Shqipëria do të paguajë 110 mln euro për tekat e Edi Ramës.
“Ky është një bashkim për ndryshim nuk është një bashkim për pushtet. Do rikthejë llogaridhënien dhe transparencën për marrjen e vendimeve nga kryetarët e ardhshëm të bashkive dhe këshilltarët bashkiakë. Lajmi që vjen për Shqipërinë që qeveria do duhet të paguajë 110 mln euro gjobën për Bechettin për tekat e Edi Ramës dhe Erion Veliajt për të mbyllur një televizion që nuk e kontrollojnë dot.
Ndërsa dje qeveria e Kosovës fitoi një arbitrazh ndërkombëtar, i treti radhazi për këtë vit. Kosova përmirësohet 20 vende në renditjen botërore kundër korrupsionit kurse Shqipëria ka rënë 27 vende, Kjo përkthehet në rritjen e kostos së jetesës dhe korrupsionin më të lartë në kontinent. Qytetarët e dinë se Edi Rama kujtohet për ta pak javë para se të vijnë zgjedhjet.
Ata nuk mund të harrojnë se përgjegjës për shtrenjtimin e kostos së jetesës është vetëm Edi Rama përmes korrupsionit të tij në kurriz të qytetarëve dhe bizneseve të ndershme. Zgjidhja është modeli që ofron koalicioni Bashkë Fitojmë. Ulje e taksave dhe përulësi në shërbim ndaj qytetarëve çdo ditë dhe jo të kujtohemi për ta pak ditë para zgjedhjeve siç ndodh me kryebashkiakët aktualë”, deklaroi ai.
VAZHDO TË LEXOSH MË TEPËR PËR TEMËN
A ka Berisha një plan B për regjistrim në zgjedhjet e 14 majit?
