Kremlini deklaroi se kishte ndjekur bisedimet midis presidentit kinez Xi Jinping, presidentit francez Emmanuel Macron dhe shefes së Komisionit të BE-së Ursula von der Leyen, por tha se dyshonte se Kina do të ndryshonte pozicionin e saj për konfliktin në Ukrainë nën presionin e jashtëm, shkruajnë mediat e huaja.
“Kina është një fuqi shumë serioze, shumë e madhe me pozicionin e saj sovran… Ky nuk është lloji i vendit që ndryshon pozicionet e tij me shpejtësi nën ndikimin e jashtëm,” tha Peskov, kur u pyet nëse Rusia ishte e shqetësuar, Evropa mund ta bindë Xi-n në lidhje me Ukrainën.
Kina ka propozuar planin e saj të paqes për Ukrainën në ndërhyrjen e parë të madhe diplomatike të Pekinit në konflikt, por Ukraina dhe disa liderë perëndimorë mbeten skeptikë për marrëdhëniet e ngushta të Xi me presidentin rus Vladimir Putin. Pas bisedimeve, Xi shprehu gatishmërinë për të folur drejtpërdrejt me presidentin e Ukrainës Volodymyr Zelenskyy, sipas von der Leyen, ndërsa Macron tha se i kishte kërkuar Pekinit që “ta kthejë Rusinë në vete”.
VAZHDO TË LEXOSH MË TEPËR PËR TEMËN
