Janë luajtur ndeshjet e para çerekfinale të fazës “playoff” në NBA dhe surprizat nuk kanë munguar.
Ajo që ra në sy ishte fitorja e Los Anxhelos Lejkërs kundër Memfis Grizlis në “FedExForum” me rezultatin 112-128. Me LeBron Xhejms në fushë, skuadra e drejtuar Darvin Ham arriti të merrte një fitore surprizuese në ndeshjen e parë, duke i rritur shpresat për këtë sezon.
Një tjetër rezultat surprizë ishte ai i “Fiserv Forum”, me Miluoki Baks që humbi kundër Miami Hit me rezultatin 117-130. “Drerët” ishin favorit për të triumfuar, por duket se Hit do t’i hapë punë në “playoff”-et e këtij sezoni.
Surprizat vazhduan dhe në “Footprint Center” me favoritët e këtij sezoni, Finiks Sans, që humbi përballë Los Anxhelos Klipërs me rezultatin 110-115, ku shkëlqeu Leonard me 38 pikë, 5 asiste dhe 5 topa në tabelë.
Ajo që nuk i la vend surprizave ishte Denver Nagets, që mundi me rezultatin 109-80 Minessota Timbërullvs.
