Përmes një deklarate për mediat, kryetarja e LSI Monika Kryemadhi ka ofruar një zgjidhje për studentët të cilët protestojnë prej 8 ditësh duke kërkuar plotësimin e kërkesave të tyre.
Kryemadhi kërkoi t’i jepet zgjidhje studentëve, ndërsa tha se LSI do depozitojë në Kuvend amendamentet për të zgjidhur kërkesat e tyre.
Kryetarja e LSI tha se koncesionet marrin 46% te GDP dhe studentet vetëm 1%.
“Shqiptarët jane të rrënuar nga mjerimi, të përkulur nga kjo situate. Gjendja është kritike, mijëra studente po përballen me mjerimin dhe arrogancën e qeverisë. Zgjidhja e problemeve është emergjenca kryesore. Mesazhi është një: plotësimi i 8 kërkesave të tyre. Kërkesat e tyre janë minimale. Kostoja e tete kërkesave minimale per Ramen është inekzistente, cdo arrogance e tij, është e vetmja zgjidhje qe ai kërkon te shtype këta te rinj, por propozimet LSI jane e vetmja mundësi për te zgjidhur kushtet dhe kërkesat minimale qe studentët kane prej 8 ditësh qe i kërkojnë para MAS. I bëjmë thirrje Kuvendit t’i kaloje me urgjence ne seancën e nesërme, pasi është e vetmja mënyrë te shlyejmë mëkatin e politike, për te dale nga ky ngërç i tmerrshëm, qe te hapet rruga për krijimin e një strategjie afatgjate”- tha Kryemadhi.
