13.12.2018 - 08:46
Një pjesë studentësh e kanë kaluar natën në Bulevardin “Dëshmorët e Kombit” përballë Kryeministrisë dhe disa të tjerë tek Ministria e Arsimit, ndërsa protestojnë për plotësimin e 8 pikave të tyre.
Duke sfiduar temperaturat e ulëta, të cilat shkojnë nën zero gjatë natës, të rinjtë kanë sfiduar të ftohtin për dy ditë tashmë.
Shënon ora 00:37 kur ky grup studentësh apelon për ndihmë teksa qëndrojnë të ulur këmbëkryeq poshtë zyrës së Ramës e të mbledhur me batanije, duke kërkuar që dikush t’i çoje dru, për të ndezur zjarr.
Kujtojmë se sot është dita e 9 e protestës, ndërsa kuazës së studentëve iu janë bashkuar edhe qytetarë, të cilët kanë ndihmuar me ushqime dhe veshje të rinjtë.
