13.12.2018 - 16:35
Ndonëse studentët vijojnë protestën e tyre në ditën e nëntë dhe kërkojnë plotësimin e 8 kërkesave pa dialog, kryeministri Edi Rama vijon të kërkojë dialog.
Së fundmi kryeministri ka publikuar një foto në Instagram me pyetjen “Pse po na ikin orët pa folur”?
Rama nuk resht së kërkuari nga studentët që të dialogojnë, ndërsa këta të fundit janë mbledhur poshtë Kryeministrisë sërish në protestë.
Qindra studentë e kanë zhvendosur protestën përballë selisë së kryeministrisë, pasi protestuan rreth tri orë përpara Parlamentit, ku u zhvillua seanca plenare e të enjtes.
