Sot protesta e studentëve hyn në ditën e 10. Disa prej tyre nuk i janë ndarë për asnjë moment protestës duke e gdhirë tërë natën në të ftohtë e shi para Kryeministrisë.
Siç kishin paralajmëruar, studentët u mblodhën sërish në Fakultetet e tyre për të marshuar më pas drejt godinës së Kryeministrisë në bulevardin Dëshmorët e Kombit.
Kushtet e këqija atmosferike nuk i kanë penguar aspak studentët të protestojnë.
Studentët prej ditësh kërkojnë plotësimin e 8 kërkesave.
Ndërkohë kryeministri Edi Rama nëpërmjet deklaratave për mediat apo dhe postimeve në rrjetet sociale nuk lëshon pe, duke i bërë të ditur studentëve se kërkesat e tyre do të zgjidhen vetëm përmes dialogut.
Presidenti Ilir Meta riktheu serish në Kuvend ligjin për buxhetin 2019, me qëllim që t’u jepet mundësi plotësimit të kërkesave të studentëve.
STUDENTËT E ELBASANIT DREJT TIRANËS, I BASHKOHEN PROTESTËS TEK KRYEMINSTRIA
Për të disatën herë radhazi, studentet e Elbasanit do t’i bashkohen protestës së bashkëmoshatarëve të tij në Tiranë.
Ka qenë një grup i vogël studentësh ata që janë nisur drejt kryeqytetit. Ndërkohë, një grup studentësh të tjerë u mblodhën para Universitetit ‘Aleksandër Xhuvani’ ndërsa bënë thirrje për pjesëmarrje masive në protestë.
Ata u shprehën se: “Mësimi është bojkotuar jo për të mbushur kafenetë, por për të luftuar për të drejtat e tyre”.
VAZHDO TË LEXOSH MË TEPËR PËR TEMËN
Përfundon afati i ultimatumit, reagon Rama
