ensionet dhe protestat e dhunshme në veri të Kosovës kanë tërhequr vëmendjen e mediave ndërkombëtare, e kryesisht të atyre të vendeve fqinje. Mediat italiane, Ansa.it dhe Tg.com kanë sjellë një kronologji të ngjarjeve të ndodhura në veri të vendit në dy ditët e fundit. Ata shkruajnë për prezencën e shtuar të KFOR-it dhe policisë së Kosovës në selitë komunale ku serbët kërkojnë të bllokojnë hyrjen për kryekomunarët e rinj shqiptarë.
Rëndësi të veçantë i kanë kushtuar edhe përshkallëzimit në dhunë të protestave që u mbajtën dje, ku shkruajnë se janë përdorur lëndë plasëse dhe mjete të forta, teksa theksojnë se ka patur edhe të shtëna me armë kundrejt ushtrisë së KFOR-it, ku dhjetëra prej tyre kanë mbetur të plagosur.
Ato kanë raportuar gjithashtu edhe bisedën telefonike që kryeministri Kurti pati me Ministrin e Jashtëm Antonio Tajani, për situatën në veri të vendit, ku ky i fundit dënoi dhunën e serbve. Po ashtu media greke Newsbomb.gr shkruan se trupat e NATO-s janë vendosur për të ruajtur ndërtesat pas incidenteve.
Si paraqitet situata në veri të Kosovës?
Qytetarët serbë kanë dalë sot sërish në protestë në veri të Kosovës për të ndaluar hyrjen e kryetarëve të rinj shqiptarë në selitë e komunave në veri Zubin Potok, Zveçan dhe Leposaviç. Protesta ka nisur pa incidente, ndërsa KFOR dhe Policia e Kosovës kanë ngritur barrikada sigurie rreth ndërtesave shtetërore për të shmangur përshkallëzimin e situatës. Ndërkohë, kryekomunarët kanë njoftuar se për shkak të situatës, ata sot nuk do të paraqiten në zyrat e punës. KFOR ka bërë thirrje për uljen e tensioneve nga dy palët e konfliktit Kosovë-Serbi, ndërsa ka kërkuar që të mbahet përgjegjësi për ushtarët e plagosur. Ngjarja është në zhvillim.
VAZHDO TË LEXOSH MË TEPËR PËR TEMËN
“Rrënuat lidhjen SHBA-Kosovë…Hashim Thaçi, kemi nevojë për ju tani!”
Betohet kryetari i ri i Mitrovicës së Veriut
