Shpërthimi i digës në Hidrocentralin e Kakhovkës nga shteti rus është thjesht një akt terrori nga ky shtet terrorist.
Ky është përfundimi i Hamish de Bretton-Gordon OBE, ish-komandant i Forcave CBRN, Kimike, Biologjike, Radiologjike, Bërthamore të MB dhe NATO-s.
“Me dështimin e ushtrisë së tij, duket se Putini është i përgatitur të bëjë pothuajse gjithçka për të qëndruar nëfronin e tij”, thotë ai, duke argumentuar se motivimi ushtarak rus pas shpërthimit është i qartë dhe aspak i papritur.
“Ky lloj terrorizmi nuk është i ri dhe gjithmonë pritet nga një tiran”, argumenton eksperti.
Pa energji dhe pa ujë në këtë termocentral të madh bërthamor, mundësia e shkrirjes së reaktorëve dhe karburantit bërthamor fillon të bëhet e besueshme. Putini e ka kërcënuar Perëndimin me armë bërthamore që nga fillimi i kësaj lufte.
Është e pasigurt se çfarë kontaminimi do të pasonte ose ku do të shkonte, por do të ishte një fatkeqësi globale humanitare dhe mjedisore. “Operacioni Special Ushtarak” është tani në grahmat e tij të vdekjes, me një ushtri të shfrenuar, të sigurt, të trajnuar dhe të pajisur mirë të Ukrainës në marshim.
Po bëhet gjithnjë e më e qartë se ushtria ruse do të godasë me shpejtësi në mënyrë konvencionale, dhe me një udhëheqës dhe komandantë ushtrie pa moral apo skrupuj, ukrainasit duhet të përgatiten për dhunë të mëtejshme jokonvencionale.
“Sulmi i shkollave dhe spitaleve ishte një shenjë e së keqes së regjimit të Putinit, dhe shpërthimi i digës ishte një tjetër lëvizje me qëllim vërtetë të tmerrshëm”, përmbyll komandanti, duke shtuar se ekziston ende fantazma e përshkallëzimit në luftë kimike, biologjike dhe bërthamore.
