21.06.2023 - 12:58
Shqipëria e futbollit ia doli të sigurojë gjashtë pikë në tre ditë, duke marrë dy fitore të rëndësishme në grupin E kualifikues të Euro 2024. Fitorja me Ishujt Faroe nxori në pah edhe cilësitë e kuqezinjve, me SofaScore që ka vlerësuar me nota të larta paraqitjet e djemve të Sylvinhos.
Më i miri në fushë, me notën 7.8 u vlerësua Ernest Muçi, sulmuesi i Legias së Varshavës që u fut në fushë vetëm në minutën e 75 dhe gjeti golin në 90+1. Pas tij, Nedim Bajrami me 7.7 dhe Kristjan Asllani me 7.5, të dy autorët të golave të tjerë.
Paraqitje e mirë edhe nga Uzuni, që paçka se u fut në fushë në minutën e 67-të vlerësohet me 7,2. Në total si ekip, Kombëtarja ka marrë notën 7.09 edhe pse me një ekip modest si Ishujt Faroe.
