Christine Dawood ishte në bordin e një anijeje mbështetëse të dielën kur mori lajmin se komunikimet kishin humbur me nëndetësen ku ndodhej burri Shahzada djali i saj Suleman .
Ajo fillimisht nuk e kuptoi se çfarë do të thoshte që zhytësja Titan kishte humbur kontaktin me anijen një orë e 45 minuta pas udhëtimit të saj, tha Dawood në një intervistë për “BBC”.
Do të kalonin edhe katër ditë nga ky moment para se ajo të mësonte fatin e bashkëshortit të saj Shahzada Dawood dhe djalit Suleman Dawood, kur autoritetet njoftuan të enjten se anija me pesë persona ishte shpërthyer dhe nuk kishte të mbijetuar.
“Ne të gjithë menduam se ata thjesht do të dalin,” tha ajo. “Shqetësimi filloi 10 orë apo më shumë pas zhytjes, kur ata supozohej të ishin lart në sipërfaqe. Kur kaloi ajo kohë, atëherë filloi meraku se diçka kishte ndodhur.”
Christine Dawood tha se kishte “shumë shpresë” gjatë kërkimit ndërkombëtar për Titan-in.
“Kishte kaq shumë veprime në nënndetëse që njerëzit mund të bëjnë për të dalë në sipërfaqe,” tha ajo duke besuar se ata mund të mbijetojnë.
Gruaja tha se e “humbi shpresën” kur kaluan kufirin e 96 orësh, duke i dërguar një mesazh familjes së saj se ajo po përgatitej për më të keqen. Vajza e saj 17-vjeçare, Alina, ishte ende shpresëdhënëse deri kur Rojet Bregdetare të SHBA-së njoftuan lajmin e keq.
Para nisjes, ajo kujtoi se si ishte duke qeshur dhe bërë shaka me burrin dhe djalin e saj. Ajo ishte “shumë e lumtur për ta” sepse burri dhe djali i saj kishin dashur të zbrisnin në Titanik për një kohë të gjatë. Një udhëtim i mëparshëm në të cilin ajo do t’ju ishte bashkuar, por që u anulua për shkak të pandemisë. Sulejmani ishte shumë i ri në kohën kur nisej për udhëtim.
“Shahzada ishte shumë i emocionuar për të zbritur. Ai ishte si një fëmijë i vogël, “tha Dawood. “Ata të dy ishin shumë të emocionuar.”
Roja Bregdetare e SHBA-së njoftoi të enjten se mbeturinat e nëndetëses ishin gjetur afërsisht 1600 këmbë (488 metra) nga mbytja e anijes Titaniku.
Hetuesit nga Roja Bregdetare e SHBA-së, Bordi Kombëtar i Sigurisë së Transportit të SHBA-së, Bordi i Sigurisë së Transportit të Kanadasë, bordi francez i hetimit të viktimave detare dhe Dega e Hetimit të Aksidenteve Detare të Mbretërisë së Bashkuar po punojnë ngushtë së bashku në hetimin e ngjarjes së 18 qershorit që tërhoqi vëmendje në mbarë botën.
Ndërkohë që hetimet intensifikohen, së shpejti pritet të bëhen ceremonitë përkujtimore dhe mortore për pesë personat e vdekur. Së bashku me Shahzada Dawood dhe Suleman Dawood, në anije ishin edhe CEO i OceanGate Stockton Rush, i cili pilotoi Titanin; aventurieri britanik Hamish Harding dhe eksperti i Titanikut, Paul-Henri Nargeolet.
VAZHDO TË LEXOSH MË TEPËR PËR TEMËN
“Titan” rikthen fuqishëm vëmendjen tek ‘’Titanic’’
“Avengers: Endgame” rrëzon nga froni “Titanic”
