Merkatoja e Milanit ka qenë këtë verë me shumë emra të mundshëm, teksa kuqezinjtë kanë arritur të sigurojnë shërbimet e Pulisiç e Loftus Çik. Një nga objektivat kryesorë për Milanin është edhe sulmuesi spanjoll Samuel Çukvueze.
Megjithatë, “La Republicca” raporton se pista për anësorin e djathtë është vështirësuar shumë. Edhe pse prej javësh palët janë në bisedime, nuk është arritur ende në rezultatin e duhur dhe duket se gjërat po shkojnë drejt përfundimit pa arritur në një marrëveshje konkrete.
Për këtë, Milani ka hedhur sytë nga kampionati danez dhe synon që të firmosë me Gustav Isaksen. Futbollisti i skuadrës së Midtiland vlerësohet rreth 8 milionë euro në treg dhe duke parë se është vetëm 22-vjeç, Milani e konsideron si një lojtar që mund të ndihmojë shumë edhe në të ardhmen.
