Qeveria e Kosovës ka zbardhur katër pikat për depërshkallëzim të situatës, një ditë pas dakordimit me BE-në për uljen e tensioneve në veri të Kosovës. Qeveria e Kosovës ka thënë se fokusi kryesor i takimit nё Bratisllavё me pёrfaqёsuesin e Lartё tё Bashkimit Evropian, Lajçak dhe zëvëndëskryeministrit Bislimi ishte krijimi i parakushteve pёr pёrforcim tё fokusit nё zbatimin e plotё dhe tё pakusht tё Marrёveshjes Bazike tё 27 shkurtit dhe aneksit tё Ohrit tё datёs 18 mars.
Qeveria e Kosovës është dakordësuar me BE-në të zvogëlojë praninë e policisë së Kosovës rreth ndërtesave komunale në veri si dhe të mbajë zgjedhjet të parakohshme në 4 komunat me shumicë serbe.
Qeveria thotë se janë dakorduar për katër pika:
“Qeveria e Kosovёs publikisht e tregon gatishmёrinё e saj pёr tё kontribuar nё deeskalimin e situatёs dhe mosndёrmarrjen e veprimeve qё mund tё eskalojnё situatёn nё veriun e vendit. Kjo pёrfshin njё zvogёlim tё menjёhershёm nё masёn e 25% tё prezencёs policore nё dhe rreth ndёrtesave komunale”.
“Policia e Kosovës bashkё me EULEX-in dhe KFOR-in, sipas nevojës do të vlerёsojnё gjendjen e sigurisё, nё veçanti pёr tё shikuar mundёsinё pёr zvogёlim tё mёtejmë tё prezencёs policore nё dhe rreth ndёrtesave komunale”.
“Qeveria e Kosovёs pёrmes njё deklarate publike mbёshtet mbajtjen e zgjedhjeve tё parakohshme nё 4 komunat nё veri tё vendit dhe atё pas stinёs sё verёs. Kosova shpreh pёrkushtimin pёr sigurimin e bazёs sё nevojshme ligjore pёr tё mundёsuar organizimin e kёtyre zgjedhjeve”.
“BE do ftojё dy kryenegociatorёt nё Bruksel me synim finalizimin e planit tё sekuencimit pёr Marrёveshjen drejt Normalizimit, pas tё cilit do tё fillojё zbatimi i tё gjitha neneve tё marrёveshjes”.
Qeveria thotë se këto vendime do tё finalizohen brenda njё periudhe dy javore.
VAZHDO TË LEXOSH MË TEPËR PËR TEMËN
“Kurti dhe Vuçiç, përgjegjësit për të ulur tensionet mes dy vendeve”
“Kurti humb mbështetjen e ndërkombëtarëve”
“Duhet shtensionuar shpejt situatën në Kosovë”
