13-vjeçari Kosta Keçmanoviç ka mësuar për herë të parë se çfarë ka bërë në shkollën e tij fillore Vladislav Ribnikar më 3 maj. Dje, ai dëshmoi për katër orë përmes një lidhjeje me video nga klinika psikiatrike ku edhe po trajtohet, në gjyqin kundër babait të tij.
“Djali mësoi për herë të parë masën e vërtetë të asaj që bëri në të vërtetë më 3 maj, sepse deri më tani e dinte që kishte vrarë njerëz, por nuk e dinte saktësisht se kë qëlloi dhe kush nuk mbijetoi mes shokëve të shkollës. Teksa u përgjigjej pyetjeve ishte i ftohtë, nuk shfaqi asnjë emocion, madje në një moment tha “Nuk më kujtohet hera e fundit që kam qarë”. Ai ka qenë pa asnjë emocion,”-tregon burimi i Kuririt në seancë. I njëjti burim shtoi “në fytyrën e djalit vrasës shihej një gjurmë pendimi”.
Ai iu përgjigj pyetjeve të shumta, si për mënyrën se si mësoi të qëllonte dhe si i kishte marrë pistoletat e të atit, por edhe për vetë masakrën.
“Ai tha se e mori frymëzimin për krimin teksa shikonte një dokumentar për vrasës në shkollë dhe se kjo e shtyu të mendonte të bënte të njëjtën gjë. Ai ka pranuar se i ka marrë vetë pistoletat e babait të tij,”– tregon burimi i Kurir.
Sipas tij, vrasësi i djaloshit gjithashtu ka konfirmuar se ka mësuar të përdorë armën në poligonin e qitjes.
– Nuk jam trajnuar nga babai, më ka mësuar të qëlloj nga një i moshuar që punon atje – dyshohet se djali ka thënë gjatë marrjes në pyetje.
Po ashtu, la përshtypje edhe mënyra sesi ai u përgjigjej pyetje, pasi sillej si një person të paktën 20 vjet më i madh. Prindërit e viktimave, të cilët morën pjesë në pyetje dhe patën mundësinë të bënin pyetje përmes prokurorit, u larguan nga salla e gjyqit të tronditur.
Çfarë ndodhi në Vraçar?
I mituri, nxënës i klasës së shtatë kreu një masakër në shkollën fillore “Vladislav Ribnikar” në Vaçar. Ai vrau me armën e zjarrit të cilën ia kishte marrë të atit të tij 10 persona, duke përfshirë rojën dhe 9 nxënës të shkollës fillore. Të plagosur mbetën dhe 5 nxënës dhe mësuesja e historisë e shkollës. 14-vjeçari dhe babai i tij janë arrestuar nga policia.
VAZHDO TË LEXOSH MË TEPËR PËR TEMËN
‘BE do paqe mes Kosovës dhe Serbisë’
